Onderwaeg nao de Vastelaovend - Horeca

Onderwaeg naor de Vastelaovend stelle weej de kommende waeke de kemissies veur die dr veur zörge det weej vastelsoveszaoterdaag weer kinne geneete van un schitterende start van de Vastelaovend tièjes de Boètezitting.

Vandaag stelle weej aan òg veur : De horeca kemissie

Hans Perrée is, same met Ger Duijf en Cock Ooms, verantwaordelijk veur de horeca binne ’t Stadscomité.

Hans duit dit ondertösse al 6 jaor en haet, in aanlaup naor de Boètezitting kôntak met de horeca-ondernemers in de stad.

Dae aanlaup begint al in september met de veurbereidinge.
En wae now dinkt:’ Wiezoeë? Zet die buufette boète en klaor’: d’r kump toch waal waat miér beej kiéke.
Hans Perrée leet ’t oét: ‘We beginne met inventarisere, d’r môtte vergunningen waere aangevraog en euvereinkômste veur de boètebuufette geteikend waere’.
Vaerder organiseert ‘t comité informasie-aovende, maar geit auk beej de horeca-ondernemers langs um informasie te gaeve en vraoge te beantwaorde. De samewerking met de horeca verlöp plezeerig.
Hans: ‘Natuurlijk laupe weej soms taege dilemma’s aan, maar die probere weej in good euverleg op te losse, zoédet idderein auk tevreeje is. Dao zien weej wies now, nog altiéd in geslaag’.
Oétintelijk is d’r dan veur de Boètezitting nog ein kontroleronde door de stad met gemeinte, pliessie, brandweer, productie en veiligheid.

En wannier is ‘t evenement veur de horecakemmissie geslaag?
Hans: ‘As de Boètezitting zonder ernstige incidente verlaupe is en de ondernemers tevreeje zien. En ’n komplimentje is auk altiéd leuk netuurlijk’.