Onderwaeg nao de vastelaovend - Treinkemissie

Ônderwaeg naor de Vastelaovend stelle weej de kômmende waeke de kemissies veur die d'r veur zörge det weej vastelsoveszaoterdaag weer kinne geneete van un schitterende start van de Vastelaovend tièjes de Boètezitting.

Vandaag stelle weej aan òg veur : De treinkemissie.

De Treinkemmisie besteit oét twië persoene; Leon Ketelings en Roy Dambacher. Zeej zörge d’r met zien twiëe veur det idder jaor de langste trein van Nederland, de Zoepkoelexpress, weer door ’t land riedt en mier dan doézend man ophaolt. Leon vertelt: “De Zoepkoelexpress is ontstaon door twië conducteurs, die vanoét ’t zuuje van Limburg altied op eige höltje unne trein regelde, um nao de Boètezitting aaf te reize en zoeë vuuël meugelijk minse mei te neme. Dees twië hiëre zien op un gegaeve moment gestop, en oetintelijk haet NS gezag det ’t nimmer kos. Vanaaf dit moment haet de BBZ deze trein geadopteerd in samewerking met de provincie.” Zoeë is un stökske historie behalde gebleve en kin gans limburg met gemaak aafreize nao ’t stedje van lol en plezeer um de vastelaovend te äöpene. Veur dit alles haet de BBZ hulp gezoch beej ’t aldste vastelaoves gezelschap van Nederland: Jocus. “Vanoét Jocus zoote d'r un paar minse auk in beej de BBZ kemissie. Via via is ut verzeuk gekômme of ik det woei gaon doon.” Alzoeë Leon.

Dit jaor viert de trein ziene 13e verjäördaag. ’t Is wies now nog idder jaor gelök um tusse de drukke bezetting van ’t spoor de trein te laote rieje. Leon: “Weej zitte altiéd same met ein bureau, det ’t meugelijk mak um eine trein te heure.” Dit is de iërste stap um de deensregeling weer zoeë optimaal meugelijk in te staeke. “Meistal is de finale deensregeling un maond van te veure bekind. Aan os de taak um det mit idderein te deile.” Dit duit de BBZ via eure website en sociale media. Zoeë as geej weit, kint geej idder jaor kaertjes bestelle veur deze Zoepkoelexpress. Auk dit wuurt geregeld door dees kemissie.

As de trein dan oetintelijk gereeje haet, steit veur dees kemissie de trein veur ’t kômmende seizoen alweer veur de deur. “Vanaaf april leet ’t verzeuk veur de volgende edisie weer beej NS op de mat”. Op dees schoëne wies, kint geej auk volgend jaor weer met de trein mei!

Let op de trein is dit jaor voller dan oeits! Weej vraoge òg um òg te verdeile euver d'n trein. Dankewaal veur de meiwerking