Onderwaeg nao de vastelaovend - Programmering

Ônderwaeg naor de Vastelaovend stelle weej de kômmende waeke de kemissies veur die d'r veur zörge det weej vastelsoveszaoterdaag weer kinne geneete van un schitterende start van de Vastelaovend tièjes de Boètezitting.

Weej stelle vandaag aan ôch veur: de programmering kemissie.
Veurzitter van dees kemissie is Rob Brünken. Zeej beginne eigenlijk al met ut nieje seizoen, net nao de vastelaovend. “Dan bedankse de artisten en zaese alweer oét te kiéke naor ut volgend jaor!” aldus Rob. Door ut jaor haer kiékse um dich haer wat d’r allemaol gaonde is. Zoeë rond augustus/september beginne we weer met programmeren.

Sommige artiste traeje al inkele jaore op tiédes de Boètezitting. Rob: “Daorvan wetse gewoeën wat ze bringe, en zien gewoeën dusdanig good datse d’rvan verzekerd bis det ze de juuste sfeer bringe op de BBZ.” Andere artiste vinden eure waeg naor de programmering kemissie, waordoorse vuuël materiaal kriegs. Heej oét mak de kemissie dan ein selectie van wat zeej ut beste vinde passe beej de BBZ. “Ein artist meug dus altiéd ein mailtje steure naor de BBZ, dae kump dan vanzelf beej ôs terech zoeëdet weej kinne kiéke of ut pas beej de BBZ.” zoeë zaet Rob.

Per jaor verschilt ut wievuuël artisten d’r kômme optraeje, dit jaor zulle d’r twieëënviertig verschillende acts kômme optraeje. Wat dit jaor biezônder is is de Sauknapp, die kômme gans oét Zwitserland en zién nao inkele jaore weer truuk in Venlo op dees moeie daag. Auk hebbe we Otto Wunderbar weer op ut program staon en inkele nieje bands zoeëwie Naachtwaerk en Niks Niejs.

“We streve d’r idder jaor veur um ut program veur de kers rond te hebbe.” zaet Rob. “Zoeë hebbe we voldoende tiéd um de letste puntjes op de I te zetten en kinne we rustig de feesdaag in!” Rob hecht d’r vuuël weerd aan dat de artiste iërs zelf weite wannier ze meuge speule. Naodet idderein op de huuëgte is zal ut program naor boéte bekind gemak waere!

“Binne de BBZ meuge weej putten op ein huuël moei vreejwilligersbestand. Al deze minse zette zich in, idder in zien eige “vakgebied”, um d’r weer ein moei evenement van te make.” Veur Rob is de BBZ geslaag as op idder podium alles weer vlekkeloos verlaupe is, as al ôs gaste en artiste eine moeie daag gehad hebbe en weej met de vreejwilligers same ut glaas kinne höffe op ein geslaagde edisie!