Euver de BBZ
Gans Venlo viert fees!
En geej ziet allemaol
oetgenuuëdigd um same mit ós 't begin van de vastelaovend in te luuje. Tradisiegetrouw, al sinds 1992, trappe weej in Venlo de vastelaovend aaf mit ein geweldige happening in de Zoépkoel.
Waas de Boétezitting in die beginjaore nog ein röstig feesje veur de Venlonaer, in de laup van jaore is dit oétgegreuid tot 't groeëtste vastelaovesfestijn in Limburg met podia door de ganse stad, wao vastelaoveszengers, bands en joekskepelle zörge veur ein geweldige stumming en sfeer. Op de volgende pagina’s hebbe weej alle informasie veur óg beejein gezatte. Geej zeet wao de podia zien, de bónnewages staon en wao geej kint opstappe op de Zoépkoelexpress.
Stichting Stadscomité Venlo zörg d’r idder jaor weer veur, same mit tiëntalle vreejwilligers, det de stad klaor is um same mit óg aan de vastelaovend te beginne. As geej zörg veur ein leuk pekske, de schmink en gooije zin, dan verwelkómme weej óg gaer op vastelaoveszaoterdaag in ‘t Stedje van Lol en Plezeer.
Vuulgestelde vraoge
Vastelaovend same
De Boètegewoeëne Boètezitting is veur idderein, ald en jongk, groeët en klein.
75
Vreejwilligers
139
Artiste
64
Sponsore
Vastelaovend op zien bès. Hièl vuuël plezeer, gèn greekende luuj. Vasteloavend veur ôs, neet wièr vertelle. Angers kômme de verkiërde minse..
Boetezitting veur jong en ald met diverse vasteloavend artiesten die het vasteloavend geveul weer in de gooie stumming bringe en det als die echte vasteloavend vierders enne super leuke daag gaeve veur waer oet te kieke noa dae echte Vasteloavend.
't Moeiste blièf veur òs de binnekoms van de Zoepkoelexpresse op 't station. Al die blieje en verwachtingsvolle minse die de vastelaovend en daomei ouk 't laeve viere. Waat ein positiviteit, waat ein geveul van... vastelaovend SAME!