De BBZ is ein vreej toegankelijk evenement. Euveral kint ge gratis de pleine op, mits ze neet vol zien. Met oétzóndering van de Zoépkoel op de Alde Mert, dao heb ge polsbendjes veur nuudig. Die polsbendjes waere verspreid via L1, neet door Stichting Stadscomité BBZ. Weej kinne dan auk niks met verzeuke um polsbendjes.

Op de pagina "program" kint geej ein moei euverzich vinde van alle artiste die op kómme treeje op welk podium.

Beej idder plein staon crowdwatchers die van baove aaf ut publiek in de gate halde. Zeej bepaole wannier ut plein te vol is en wannier de hekke dus toe of weer aope gaon. Dit is ein bepaold aantal en haet te make met, dat idderein veilig ut plein mot kinne verlaote moch d'r wat gebeure. Auk de gemeinte haet gaer dat dees hekke en beveiliging d'r zien.